سمعت هذي القصة الحقيقة اللي حصلت في زمن البدو
شوفو غيرة الزوجة الاولى وش سوت ولاحول ولاقوة الابالله
القصة تبد ان الزوج بعد ماتزوج ومرت السنين زوجته ماحملت وهو الرجل يبي
عيال فشارو علية اهله يتزوج مرة ثانية عشان تجيب له العيال
فقام وتزوج وش حصل لزوجة الاولى جتها ضرة
وشاءالله ان تحمل زوجته الثانية وتجيب له ثلاث بنات
الزوجة الاولى غارت منها وسوس لها الشيطان
فقالت لامهن روحي اسرحي بالغنم وجمعي لنا حطب وتعالي وانا ابي اقعد عند
البنات
الزوجة الثانيه راحت وعلى نيتها ومضى الوقت لين جت لوقت المغرب لبيتها
وبهذا الوقت جت الزوجة الاولى وحطت البنات الي توهن مولودات صغيرات
وصفتهن جنب بعض وحطت على بطن كل وحدة حجر كبير وماتن
وجا الزوج ونادى ياام فلانةوهي تجي زوجته الاولى وهي تبكي وتصيح
وقالت له البنات ماتن وامهن راحت وخلتهن
وشافهن ابوهن ميتات بناته طبعا قبل مايجي زوجته شالت الحجر عنهن
عشان تلصق التهمه باهمال امهن والرجل ماصدق انه الله رزقه بنات وبسبب
اهمال امهن ماتن من الجوع
ولما جت زوجته ام البنات قام وطلقها وطردها من البيت
ورجع لزوجته الاولى
وبعدها جاالنصيب لزوجته الثانيه وتزوجت ورزقها الله سبحانه بعيال وبنات
وعوضها الله سبحانه بالزوج الطيب والاولاد
وهذيك قعدت عقيمة طول عمرها ومات زوجها
ولاحول الله ولاقوة الابالله
فمهما الظلم والجور بين الناس كثر الملظلوم الله سبحانه ينصره على من ظلمه
بالدنيا او بالاخرة **********
[strike]